الاسئلة الشائعة
- هل هو يتقلص ولا يخرب مع الغسيل ولا لا ؟
اغلب اللي جربو مشدات يدرون ان بعد كم غسلة المشد يفقد شده ولون يبدا يختلف
لاكن حاب اطمنك شداد بيحافظ على الشدة اللي فيه.
- طلبت وطلع واسع اقدر ارجعه ؟
ايه نعم تقدر ترجعه وتسبدله بمقاس اصغر والاستبدال مجاني بعد.
- هل مشدات البطن تعطي نتايج حتى بعد ازالة المشد ؟
لا طبعا المشد عبارة عن حل سريع او خلنا نقول فزعتك اللي تحتاجها في الاوقات الصعبة مثل المناسبات او السفريات
- احس انه بيفيدني لاكن سعره غالي هل يستاهل اخاطر واجربه ؟
بما انك مهتم بقول لك جربه ولا تشيل هم لان عليه ضمان ذهبي اذا ما ناسبك بنرجع لك المبلغ
- هل هو يريح الظهر ؟
بنسبة للي يعانون من الام الظهر فالمشد بشكل كبير تركيزه في منطقة البطن والخواصر لاكن لاحظنا انه في ناس ضبط معاهم
في تخفيف الام الابهر لاكن جواب على السؤال فنقول هو للكرش بشكل كبير.
- وش صناعته بوليستر ولا قطن وكم النسبة ؟
مصنوع بالصين على يد امهر الايادي الخبيرة بصناعة المشدات المريحة للرجال ، بخصوص المواد فمصنوع من نايلون واليستاين
بنسبة 76% نايلون و 24% اليستاين.
- مع الاستخدام الطويل كيف ؟
مريح وتقدر تلبسه لفترة طويلة بدون ما تحس بضيق.
- هل لها غسيل محدد ولا عادي ؟
بنسبة لطريقة الغسيل كل اللي عليك تتنبه منه هي الموية الساخنة فقط غير كذا تقدر تغسله مثل اي لبس ثاني
- وين القى جدول المقاسات ؟
تلقى في صفحة المنتج او تقدر تتسخدم خيار تحديد المقاس بذكاء الاصطناعي
- جدول المقاسات جايب لي الحوسة ؟
ابد لا تشيل هم اذا ما عرفت تختار المقاس الانسب لك تقدر تتواصل معنا على الواتس اب وبنساعدك تختار ان شاء الله
- اذا طلبت وما ناسبني خلال كم بترجع لي فلوسي ؟
الاسترجاع عادة بيكون خلال 48 ساعة من تاريخ رفع طلب الاسترجاع.
- طلبت عن طريق تمارا او تابي كيف هل بيلغون الاقساط اللي عليا ؟
ايه نعم بيرجعون لك الدفعة الاولى اللي تم سدادها ويلغون الاقساط.
- طيب كيف عملية ارجاع المنتج وشحنه ؟
بنسبة للارجاع بيتواصل معك مندوب شركة الشحن ويستلم المشدات منك.
- هل يشد الصدر ؟
المشد تركزيه بشكل كبير على منطقة الكرش والخواصر ، فيه شد على منطقة الصدر لكن بدرجة خفيفة مرة
- كم يوم ويوصل الطلب لاني مستعجل مرا واحتاج المشد في اسرع وقت ممكن ؟
التوصيل داخل مدينة الرياض بيكون اقل من 48 ساعة
والتوصيل في باقي مدن المملكة من 3 الى خمسة ايام كحد اقصى
- ايش الفرق بين النص كم ول العلاق ؟
ما في فرق بينهم من ناحية الخامة والشد غير ان في اختلاف بسيط جدا من ناحية المقاسات.
- ليه سعركم مرتفع مقارنة بالمشدات الثانية بسوق ؟
لان اول عامل واهم عامل بنسبة لنا لازم يكون متوفر بأي مشد هو الراحة
اغلب المشدات في اغلب الاحيان بتعطيك شد ممتاز لاكن ما هي بمريحة بسبب المواد وطريقة التفصيل اللي ما هي حاطة بعين الاعتبار
راحة الشخص اللي بيلبس المشد نفسه.
وهذا اللي بيميز شداد اختيار مواد بجودة عالية وتفصيل مدروس للمشد بحيث يكون مريح وعملي للبس اليومي.
- هل الدفع عند الاستلام متوفر ؟
الدفع عند الاستلام غير متوفر حاليا.
- خايف ما يناسبني لاني ما قد جربت مشد من قبل ؟
جربه ولا تقروش نفسك لان عليه ضمان ذهبي ما ناسبك فلوسك ترجع لك !
- هل عندكم معرض او محل ؟
حاليا متجر الكتروني فقط.
- هل اختار مقاسي حسب الفنيلة الداخلية ؟
لا ، المقاس بيتم اختياره حسب الوزن والطول، تقدر تستخدم حاسبة المقاسات اللي في الموقع وبيساعدك تختار المقاس الانسب لك
- ينلبس بدال الفنيله اللي تحت الثوب ولا مع الفنيله ؟
اذا طالب نص كم ما تحتاج تلبس فوقه لاكن بشكل عام الخيار راجع لك دائما اذا حاب تلبس شي فوقه او لا.
- ابغاه يطلع مرة مشدود على جسمي اخد على مقاسي ولا اصغر بمقاس ؟
خد اصغر بمقاس واحد فقط يعني مثل اذا طلع مقاسك 3XL ممكن تجرب 2XL